EE.UU.: Washington DC aproba unha morma que legalizará o
cannabis para uso médico a finais deste ano
Os enfermos crónicos do Distrito de Columbia (Washington DC)
poderán adquirir cannabis autorizado polo goberno a finais de ano
grazas a unha medida aprobada por unanimidade polo Consello
do Distrito o pasado 20 de abril. Sen que houbese debate
previo, o Consello autorizou a cinco centros médicos da cidade a distribuír
cannabis, número que podería aumentar a oito nos
próximos anos. Os pacientes con VIH, glaucoma, cancro ou
enfermidade "crónica e duradeira" poderán obter a
recomendación dun médico para posuír até 2 onzas (57
gramos) de cannabis cada 30 días.
Os enfermos non terán permiso para cultivar cannabis, pero
poderán compralo nos dispensarios autorizados e regulados polo
Departamento de Saúde. Aqueles sen recursos económicos
poderán conseguilo de maneira gratuíta ou a baixo custo. Os
defensores da medida dixeron que a votación levada a cabo no
Consello era un dos pasos finais dunha loita de anos de duración,
tras o referendo de 1998 no que o 69 por cento dos
habitantes votaron a favor de cannabis medicinal. Pero
algúns defensores e cultivadores de cannabis din que a lei do
Distrito está destinada ao fracaso porque é demasiado restritiva
e, por tanto, non resulta atractiva aos produtores xa establecidos,
que poderían satisfacer as necesidades do Distrito. O congreso
ten agora 30 días para revisar a normativa antes de que se converta en lei.
(Fonte: The Washington Post do 21 de abril de 2010)